କୋର୍ଟଙ୍କ ବଡ଼ ରାୟ! ଏଣିକି ସ୍ତ୍ରୀକୁ କଳା ବା ଶ୍ୟାମଳ କହିବା ଅପରାଧ, ହେବ ଜେଲ୍, ଜାଣନ୍ତୁ ପୁରା ଖବର
ବିଶେଷ କରି ବିବାହ ସମୟରେ ଶ୍ୟାମଳ ରଙ୍ଗର ମହିଳା ମାନଙ୍କୁ ଅନେକ ସମାଲୋଚନାର ଶିକାର ହେବାକୁ ପଡ଼ିଥାଏ । ପୁଅ ଦେଖିବାକୁ ଯେମିତି ହେଉ ନା କାହିଁକି ସମସ୍ତଙ୍କର ଇଛା ଥାଏ ସୁନ୍ଦର୍ ବୋହୂ ଟିଏ ଆଣିବା ପାଇଁ । ଏବଂ ଏଠି ସୁନ୍ଦରତାର ଅର୍ଥ ଭଲ ଗୁଣ ନୁହେଁ ବରଂ ଗୋରା ରଙ୍ଗକୁ ବୁଝାଇ ଥାଏ ।
ତେବେ ଯଦି ଆପଣଙ୍କ ମନରେ ବି କଳା ଗୋରାର ଭେଦ ଭାବ ରହିଥାଏ ତେବେ ଏହାକୁ ତୁରନ୍ତ ନିଜ ମନରୁ ପୋଛି ଦିଅନ୍ତୁ । ନହେଲେ ଆପଣ ବି ଯାଇ ପାରନ୍ତି ଜେଲ୍ । ଓ ଆପଣଙ୍କ ନାମ ବି ଚଢ଼ି ପାରେ ଅପରାଧୀ ତାଲିକାରେ ।
ଏଣିକି ଯିଏ ମହିଳା ମାନଙ୍କ ରଙ୍ଗକୁ ନେଇ ଭେଦ ଭାବ କରିବ କିମ୍ବା କଟାକ୍ଷ କରିବ ସେମାନଙ୍କୁ ଅପରାଧୀ ଭାବେ ଗଣାଯିବ । ଏକ ମାମଲାର ଶୁଣାଣି ବେଳେ ମାନ୍ୟବର ଛତିଶଗଡ ହାଇକୋର୍ଟ ଏଭଳି ମନ୍ତବ୍ୟ ଦେଇଛନ୍ତି । ଏହି ମାମଲା ଅନୁସାରେ ସ୍ତ୍ରୀ ଜଣକ ଅଭିଯୋଗ କରିଥିଲେ ଯେ ତାଙ୍କର ରଙ୍ଗ ଶ୍ୟାମଳ ହେତୁ ତାଙ୍କ ସ୍ଵାମୀ ତାଙ୍କୁ ନିର୍ଯ୍ୟାତନା ଦିଅନ୍ତି ଓ ଅନେକ ସମୟରେ ତାଙ୍କ ରଙ୍ଗକୁ ନେଇ କଟାକ୍ଷ କରନ୍ତି ।
ଏହି ମାମଲାର ଶୁଣାଣି ବେଳେ ହାଇକୋର୍ଟ କହିଛନ୍ତି ସ୍ଵାମୀର ଏପରି କାର୍ଯ୍ୟକୁ ମଧ୍ୟ ଅପରାଧ ତାଲିକାରେ ଅନ୍ତର୍ଭୁକ୍ତ କରାଯିବ । ତେବେ ପ୍ରତିଦିନ ଭାରତୀୟ ମହିଳା ମାନେ ଏହି ସମସ୍ୟାର ଶିକାର ହେଉଛନ୍ତି , ଯେଉଁଥି ପାଇଁ ଏକ ସାମାଜିକ ପରିବର୍ତ୍ତନର ଆବଶ୍ୟକତା ରହିଛି ।