ଧୂଆଁ ମାଡ଼ ସମୟରେ ରାହୁଲ ଗାନ୍ଧୀ ସଂସଦରେ କ’ଣ କରୁଥିଲେ ? ସାମ୍ନାକୁ ଆସିଲା ଫଟୋ
ଆଜି ସଂସଦର ଶୀତକାଳୀନ ଅଧିବେଶନରେ ଦୁଇଜଣ ଅପରିଚିତ ବ୍ୟକ୍ତି ହଠାତ୍ ଗୃହ ମଧ୍ୟକୁ ଆସି ହଙ୍ଗାମା କରିଥିଲେ । ଏହା ସହିତ ଦୁଇ ଯୁବକ ମଧ୍ୟ କଲର ସ୍ମୋକ୍ ସ୍ପ୍ରେ କରିଥିଲେ । ଯେଉଁଥିପାଇଁ ଗୃହ ରେ ଭୟର ବାତାବରଣ ସୃଷ୍ଟି ହୋଇଥିଲା । କିନ୍ତୁ କିଛି ସମୟ ମଧ୍ୟରେ ଲୋକସଭା ସଦସ୍ୟମାନେ ତାଙ୍କୁ ଗୃହରେ ଧରି ନିର୍ଧୁମ ଛେଚିଥିଲେ । ବିଶେଷକରି ଯେତେବେଳେ ସୁରକ୍ଷା କର୍ମୀମାନେ ତାଙ୍କୁ ଗିରଫ କରିବାକୁ ଚେଷ୍ଟା କରୁଥିଲେ, ସେତେବେଳେ ବିଜେପି ସାଂସଦ ଆର.କେ ସିଂ ପଟେଲ ସେଠାରେ ପହଞ୍ଚି ଜଣେ ବ୍ୟକ୍ତିଙ୍କୁ ଆୟତ କରିଥିଲେ ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର
ଏହି ଘଟଣା ପରେ ବିଜେପି ସାଂସଦ ପଟେଲଙ୍କୁ ଅନେକ ଆଲୋଚନା କରାଯାଉଛି ଏବଂ ତାଙ୍କୁ ଗୃହ ର ହିରୋ କୁହାଯାଉଛି । ଅନ୍ୟପକ୍ଷରେ କଂଗ୍ରେସ ସାଂସଦ ରାହୁଲ ଗାନ୍ଧୀ ଏହି ସମୟରେ କଣ କରୁଥିଲେ ତାହାର ଏକ ଫଟୋ ମଧ୍ୟ ସାମ୍ନାକୁ ଆସିଛି । କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନଟେ ସୋସିଆଲ ମିଡିଆରେ ଏହି ଫଟୋ ପୋଷ୍ଟ କରିଛନ୍ତି ।
ତେବେ ଏହା ଦେଖିବାକୁ ମିଳେ ଯେ ଅନୁପ୍ରବେଶକାରୀଙ୍କ ହଙ୍ଗାମା ଓ ଧୂଆଁ ମାଡ଼ ସମୟରେ ରାହୁଲ ଗାନ୍ଧୀ ଲୋକସଭା ଭିତରେ ଅତି ସାଧାରଣ ଭାବରେ ଛିଡା ହୋଇଛନ୍ତି । ଗୃହ ଧୂଆଁରେ ପରିପୂର୍ଣ୍ଣ ହୋଇଥିଲେ ମଧ୍ୟ ରାହୁଲ ଗାନ୍ଧୀ ଅସାବଧାନ ହୋଇନଥିଲେ ଏବଂ ଦୁଇ ଯୁବକଙ୍କ କାର୍ଯ୍ୟକଳାପ ଉପରେ ନଜର ରଖିଥିଲେ । ସେ ଭୟଭୀତ ହେଲେ ନାହିଁ କି ପଛକୁ ଫେରି ନଥିଲେ । ଉପରୋକ୍ତ ଫଟୋ ପୋଷ୍ଟ କରି ସୁପ୍ରିୟା କହିଛନ୍ତି, “ଭୟ କର ନାହିଁ । କେବଳ ଶବ୍ଦରେ ନୁହେଁ, କାର୍ଯ୍ୟରେ ମଧ୍ୟ । ଯେତେବେଳେ ସଂସଦରେ ଉତ୍ତେଜନା ଦେଖାଦେଇଥିଲା, ସେତେବେଳେ ରାହୁଲ ଗାନ୍ଧୀ ଛାତି ଫୁଲେଇ ଠିଆ ହୋଇଥିଲେ ।"
ତେବେ ଏହି ଘଟଣାରେ 6 ଜଣ ସମ୍ପୃକ୍ତ ଥିବା ଜଣାପଡିବା ପରେ 4 ଜଣଙ୍କୁ ଗିରଫ କରାଯାଇଛି । ପୋଲିସ ଅନ୍ୟ ଲୋକଙ୍କୁ ମଧ୍ୟ ଖୋଜୁଛି । ଏଥିମଧ୍ୟରୁ 5 ଜଣଙ୍କୁ ଚିହ୍ନଟ କରାଯାଇଥିବା ବେଳେ ଜଣଙ୍କର ପରିଚୟ ମିଳିନାହିଁ । ମହାରାଷ୍ଟ୍ର ଲାତୁରର ଅମୋଲ ଶିନ୍ଦେ, ହରିୟାଣାର ନୀଲମ୍, ୟୁପିର ଲକ୍ଷ୍ନୌର ସାଗର ଶର୍ମା ଙ୍କୁ ଗିରଫ କରାଯାଇଛି ।
ପୋଲିସ ବର୍ତ୍ତମାନ ସମସ୍ତଙ୍କୁ ପଚରାଉଚରା କରୁଛି । ଦୁଇଜଣ ଯୁବକ ଗୃହ ରେ କଲର ଧୂଆଁ ସ୍ପ୍ରେ କରିଥିଲେ । ଏହା ଏକ ଅକ୍ସିଡାଇଜର (ପୋଟାସିୟମ ନାଇଟ୍ରେଟ୍, KNO3), ଏକ ଇନ୍ଧନ(ଚିନି), ଏକ ମଡରେଟର(ଯେପରିକି ସୋଡିୟମ ବାଇକାର୍ବୋନେଟ୍) ଦ୍ୱାରା ପ୍ରସ୍ତୁତ । ଏଥିରେ ଜୀବନ ପାଇଁ କୌଣସି ବିପଦ ନାହିଁ । ତେବେ ସଂସଦରେ ସୁରକ୍ଷାବଳୟ ଭଙ୍ଗ ହୋଇଥିଲା, କିନ୍ତୁ କାହାରି କିଛି କ୍ଷତି ହୋଇନଥିଲା ।