ଶାଳୀ ଓ ଭିଣୋଇଙ୍କ ରଙ୍ଗୀଲା ପ୍ରେମ! ଉଭୟ ବିବାହ କରିଥିଲେ ସୁଦ୍ଧା ପ୍ରେମରେ ପଡ଼ି ଫେରାର ବେଳେ ବିଷ ପିଇ ଦେଲେ, ଜାଣନ୍ତୁ ପୁରା ଘଟଣା

ଚାଞ୍ଚଲ୍ୟ ସୃଷ୍ଟି କରିଛି ଶାଳି ଭିଣେଇଙ୍କ ପ୍ରେମ କାହାଣୀ ! ପ୍ରେମକୁ ପରିବାର ଲୋକେ ବିରୋଧ କରିବାରୁ ଦୁହେଁ ମିଶି ବିଷ ପିଇ ଦେଇଛନ୍ତି । ଭିଣୋଇଙ୍କ ଜୀବନ ଚାଲି ଯାଇଥିବା ବେଳେ ଶାଳି ବର୍ତ୍ତମାନ ଚିକିତ୍ସାଧୀନ ଅବସ୍ଥାରେ ଅଛନ୍ତି ।

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ତେବେ ଏଭଳି ଏକ ନିନ୍ଦନୀୟ ଘଟଣା ଦେଖିବାକୁ ମିଳିଛି କଳାହାଣ୍ଡି ଜିଲ୍ଲାର କୋକସରା ଥାନା ଅନ୍ତର୍ଗତ ପଲସାପାଣି ଅଞ୍ଚଳରେ । ସୂଚନା ଅନୁସାରେ , ପଲସାପାଣି ଅଞ୍ଚଳର ତୁଳସୀରାମ ନାୟକ ଧର୍ମଗଡ ଥାନା ଅଞ୍ଚଳରେ ବିବାହ କରିଥିଲେ ।

ତୁଳସୀରାମ ନାୟକଙ୍କର ୩ ବର୍ଷର ଏକ ପୁଅ ମଧ୍ୟ ରହିଛି । କିନ୍ତୁ ଏହାରି ମଧ୍ୟରେ ସେ ପଡ଼ି ଯାଇଥିଲେ ତାଙ୍କର ଜଣେ ସମ୍ପର୍କୀୟ ଶାଳିଙ୍କ ପ୍ରେମରେ । ଶାଳି ଜଣଙ୍କ ମଧ୍ୟ ବିବାହିତା । ତେବେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଏତେ ବଢି ଯାଇଥିଲା ଯେ ନିଜ ପରିବାର କଥା ଭୁଲି ଗତ ମଙ୍ଗଳବାର ଦୁହେଁ ଫେରାର ହୋଇ ଯାଇଥିଲେ ।

ପରେ ପରିବାର ଲୋକେ ଦୁହିଁଙ୍କ ସନ୍ଧାନ ପାଇବାରୁ ଗତ ଗୁରୁବାର ସେମାନଙ୍କୁ ଡାକିଥିଲେ । ପରିବାର ଓ ଗାଆଁ ଲୋକେ ମିଶି ଏକ ସଭା ବସାଇଥିଲେ । ଦୁହେଁ ଏହି ସଭାରେ ପହଞ୍ଚିଥିଲେ ମଧ୍ୟ । କିନ୍ତୁ ସଭାରେ ସେମାନଙ୍କ ସମ୍ପର୍କକୁ ବିରୋଧ କରିବାରୁ ସଭା ମଝିରୁ ଉଠି ପଳାଇ ବିଷ ପିଇ ଦେଇଥିଲେ ଦୁହେଁ ।

ଯାହା ପରେ ପରିବାର ଲୋକେ ସେମାନଙ୍କୁ ଧର୍ମଗଡ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ ଦୁହିଁଙ୍କ ଅବସ୍ଥା ଶୋଚନୀୟ ହେବାରୁ ପରିବାର ଲୋକେ ସେମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ ଭବାନିପାଟଣାକୁ ସ୍ଥାନାନ୍ତରିତ କରିଥିଲେ । ଭବାନିପାଟଣା ଚିକିତ୍ସାଳୟରେ ଚିକିତ୍ସିତ ହେଉଥିବା ସମୟରେ ତୁଳସିରାମଙ୍କ ମୃତ୍ୟୁ ଘଟିଥିବା ବେଳେ ଶାଳିଙ୍କ ଅବସ୍ଥା ଗୁରୁତର ରହିଛି ।