୨ୟ ବିଶ୍ୱ ଯୁଦ୍ଧର ମୂକସାକ୍ଷୀ ହାଓଡ଼ା ବ୍ରିଜ, ବୋମା ପଡି ମଧ୍ୟ ଟିକେ ବି ଭାଙ୍ଗି ନ ଥିଲା ଏହି ବ୍ରିଜ୍, ଏଯାଏଁ କାହିଁକି ହୋଇନି ଉଦଘାଟନ?
ଆମେ ଏଠାରେ ଆପଣଙ୍କୁ କୋଲକାତାର ହାୱଡା ବ୍ରିଜ ବିଷୟରେ କହୁଛୁ । ଏହି ବ୍ରିଜ୍ କୁ ପ୍ରାୟ ଅଶୀ ବର୍ଷ ବିତିଗଲାଣି। ଆଜି ବି ଏହା ଠିକ୍ ପୂର୍ବ ଭଳି ଛିଡା ହୋଇଛି । କଣ ଆପଣ ଜାଣନ୍ତି ଏହି ବ୍ରିଜ ଉପରେ ବୋମା ମଧ୍ୟ ପଡିଥିଲା । ଯାହା ସତ୍ତ୍ଵେ ମଧ୍ୟ ଏହି ବ୍ରିଜ ର କିଛି କ୍ଷତି ହୋଇ ନ ଥିଲା । ଦ୍ଵିତୀୟ ବିଶ୍ଵ ଯୁଦ୍ଧ ସମୟରେ ଜାପାନ୍ ର ଏକ ବୋମା ଏହି ସେତୁ ନିକଟରେ ଖସି ପଡିଥିଲା । ହେଲେ ଏହି ସେତୁର କୌଣସି କ୍ଷତି ହୋଇ ନ ଥିଲା ।
ହାୱଡା ବ୍ରିଜ ର ନିର୍ମାଣ କାର୍ଯ୍ୟ ୧୯୩୬ ମସିହାରେ ଆରମ୍ଭ ହୋଇଥିଲା । ଏବଂ ୧୯୪୨ ମସିହାରେ ଶେଷ ହୋଇଥିଲା । ପ୍ରାୟ ୧୯୪୩ ମସିହା ବେଳକୁ ଏହାକୁ ବ୍ୟବହାରରେ ଲଗା ଯାଇଥିଲା । ସେହି ସମୟର ଏହା ବିଶ୍ଵର ତୃତୀୟ ଲମ୍ବା ସେତୁ ଥିଲା । ଯାହାକି ରବୀନ୍ଦ୍ର ସେତୁ ନାମରେ ମଧ୍ୟ ପରିଚିତ ।
ବିବିସି ରିପୋର୍ଟ ଅନୁଯାୟୀ ଏହି ବ୍ରିଜର ନିର୍ମାଣ ପାଇଁ ୨୬,୫୦୦ ଟନ୍ ଷ୍ଟିଲ ବ୍ୟବହୃତ ହୋଇଥିଲା । ସେଥି ମଧ୍ୟରୁ ପ୍ରାୟ ୨୩,୫୦୦ ଟନ୍ ଷ୍ଟିଲ ଟାଟା ଷ୍ଟିଲ କମ୍ପାନୀ ଯୋଗାଇ ଥିଲା । ୨୦୧୧ ମସିହାର ଏକ ରିପୋର୍ଟ ଅନୁଯାୟୀ ଏହାର ଖୁଣ୍ଟ ମୂଳରେ ତମ୍ବାକୁ ଖାଇ ଛେପ ପକାଇବା ଦ୍ୱାରା ଖୁଣ୍ଟର ଘନତା ହ୍ରାସ ପାଉଛି । ଯାହା ପରେ ୨୦ ଲକ୍ଷ ଟଙ୍କା ଖର୍ଚ୍ଚ କରି ଏହାର ଗୋଡ଼କୁ ଫାଇବର୍ ପ୍ଲେଟ୍ ଦ୍ୱାରା ଆଚ୍ଛାଦିତ କରା ଯାଇଛି ।