ଦେଖନ୍ତୁ ଭିଡିଓ: ନୂଆ ଚାକିରି ପାଇଥିଲା ଭଉଣୀ, ଦିନ କେଇଟା ଯାଇନି ଭାଇ ଆଗରେ ଦୁର୍ଘଟଣାରେ ଚାଲିଗଲା ଭଉଣୀ, ଛାତି ଫଟାଇ କାନ୍ଦୁଛି ଭାଇ
ଘଟି ଯାଇଛି ଏକ ଦୁଃଖ ଦାୟକ ଘଟଣା । ଗୋଟେ ଭାଇ ଆଗରେ ଚାଲି ଯାଇଛି ତା ଗେଲ୍ହି ଭଉଣୀର ଜୀବନ । ଭଗବାନ ଏମିତି ଦୁଃଖ ଆଉ କାହାକୁ ନ ଦିଅନ୍ତୁ । ଭାଇ ଆଖି ସାମ୍ନାରେ ଭଉଣୀର ଶରୀରକୁ ଟ୍ରକ୍ ଘୋଷାଡି ଘୋଷାଡି ନେଇ ଯାଉଥାଏ । କିନ୍ତୁ ଅସହାୟ ଭାବେ କେବଳ କାନ୍ଦିବା ଛଡା ଆଉ କିଛି ଉପାୟ ନ ଥାଏ ଭାଇ ପାଖରେ ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର
Follow our WhatsApp channel and get all the Latest news
ଭଉଣୀର ନୂଆ ନୂଆ ଚାକିରୀ ହୋଇଥାଏ । ଏହା ସହିତ ନୂଆ ନୂଆ ବିଭାଘର । ଏପରି ଏକ ଖୁସିର ମୁହୂର୍ତ୍ତ ଏତେ ବଡ ଦୁଃଖରେ ପରିଣତ ହୋଇଯିବ କେହି କେବେ ସ୍ବପ୍ନରେ ବି ଭାବି ନ ଥିଲେ । ସବୁ କିଛି ଆଖି ପିଛୁଳାକେ ଓଲଟ ପାଲଟ ହୋଇଗଲା । ଭାଇଟିର କାନ୍ଦ ଦେଖିଲେ ଆପଣଙ୍କ ଆଖିରେ ବି ଲୁହ ରହିବନି ।
ଏମିତି ଏକ ଘଟଣା ଦେଖିବାକୁ ମିଳିଛି ବ୍ୟାସ ନଗରରେ । ବ୍ୟାସ ନଗର ତହସିଲ୍ ଅଫିସ୍ ରେ ନୂଆ ନୂଆ ଚାକିରୀ ପାଇଥିଲେ ମହିଳା ଜଣକ । ଅଫିସ୍ ରୁ ଟ୍ରେନିଂ ସାରି ସନ୍ଧ୍ୟା ସମୟରେ ଭାଇ ସହିତ ଫେରୁଥିଲେ ଘରକୁ । ଘରକୁ ଫେରିବା ସମୟରେ ଗୋଲେଇ ଛକ ପାଖରେ ଅଧିକ ଟ୍ରାଫିକ ହେତୁ ଭାଇ ଭଉଣୀ ଦୁହେଁ ରାସ୍ତା କଡ଼ରେ ଠିଆ ହୋଇଥିଲେ ।
ଏହି ସମୟରେ ଭଉଣୀର ସ୍କୁଟିକୁ ପଛରୁ ଆସି ଧକ୍କା ଦେଇଥିଲି ଏକ ଷୋଳ ଚକିଆ ଟ୍ରକ୍ । ଭଉଣୀର ଗାଡ଼ି ସହିତ ଶରୀରକୁ ଘୋଷାଡି ଘୋଷାଡି ନେଇ ଯାଇଥିଲା ପ୍ରାୟ ୫୦ ମିଟର ବାଟ । ଯାହା ପରେ ଉକ୍ତ ସ୍ଥାନରେ ଜମା ହୋଇ ଯାଇଥିଲେ ଲୋକେ । ଆମ୍ବୁଲାନ୍ସ ସହାୟତାରେ ମହିଳା ଜଣଙ୍କୁ ମେଡ଼ିକାଲ ରେ ଭର୍ତ୍ତି କରା ଯାଇଥିବା ବେଳେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।