କଲେଜ ଛାତ୍ରୀଙ୍କୁ ଦୁଷ୍କର୍ମ କରି ଗର୍ଭବତୀ କରୁଥିଲେ କଲେଜ ପ୍ରିନ୍ସିପାଲ୍, ଏକାସାଙ୍ଗେ ଅଭିଯୋଗ କଲେ ୧୩ଛାତ୍ରୀ, ଜାଣନ୍ତୁ ପୁରା ଘଟଣା
ହେଲେ ଏବେ କିନ୍ତୁ ସହିବାର ସୀମା ପାର ହେବା ପରେ ପ୍ରାୟ ୧୩ ଜଣ ଛାତ୍ରୀ ଅଭିଯୋଗ ନେଇ ଦ୍ବାରସ୍ଥ ହୋଇଥିଲେ ଥାନାର । ଏହା ପରେ ପୋଲିସ୍ ଆରମ୍ଭ କରିଥିଲା ଛାନ ଭିନ୍ । ହେଲେ ଜଣା ପଡିଛି ଯେ ଅଧ୍ୟକ୍ଷ ଜଣକ ଫେରାର ଅଛନ୍ତି ।
ସୂଚନା ଅନୁସାରେ ଜୟପୁରର ଏକ ସ୍ଥାନୀୟ ଘରୋଇ ମହାବିଦ୍ୟାଳୟର ଅଧ୍ୟକ୍ଷ ଏହି ମହାବିଦ୍ୟାଳୟର ଛାତ୍ରୀ ନିବାସରେ ରହୁଥିବା ଛାତ୍ରୀ ମାନଙ୍କୁ ଯୌନ ନିର୍ଯାତନା ଦେଉଥିଲେ । ଅଧ୍ୟକ୍ଷ ଜଣକ ଛାତ୍ରୀ ମାନଙ୍କୁ ଖରାପ୍ ବ୍ୟବହାର କରୁଥିଲେ ଓ ତାଙ୍କ ସହିତ ଶାରିରୀକ ସମ୍ପର୍କ ରଖିବାକୁ ବାଧ୍ୟ କରୁଥିଲେ ।
ଛାତ୍ରୀ ମାନେ ମୁହଁ ଖୋଲିବାକୁ ଚାହୁଁଥିଲେ ମଧ୍ୟ ଅଧକ୍ଷଙ୍କ ଭୟରେ ଅନେକ ସମୟରେ ଚୁପ୍ ରହୁଥିଲେ । ହେଲେ ଗତ କାଲି ଜଣେ ଛାତ୍ରୀଙ୍କ ମାଆ ଛାତ୍ରୀଙ୍କୁ ଭେଟିବା ପାଇଁ ହଷ୍ଟେଲ ଯାଇଥିଲେ । ସେଠାରେ ତାଙ୍କ ଝିଅ ତାଙ୍କୁ ସବୁ କଥା କହିଥିଲେ । ଏହା ସହିତ ଅନ୍ୟ ଛାତ୍ରୀ ମାନେ ମଧ୍ୟ ସାଙ୍ଗର ମାଆ ଆଗରେ ସବୁ କଥା ଖୋଲି କହିଥିଲେ ।
ଏପରି ଘଟଣା ଜାଣିବା ପରେ ଛାତ୍ରୀଙ୍କ ମାଆ ଜଣକ ଅଧକ୍ଷଙ୍କୁ ଏ ବିଷୟରେ ପଚରା ଉଚରା କରିବାରୁ ଅଧକ୍ଷ ଜଣକ ଅଶ୍ଳୀଳ ବ୍ୟବହାର କରିବା ସହିତ ଗାଳି ଗୁଲଜ କରିଥିଲେ । ଏହା ପରେ ଛାତ୍ରୀଙ୍କ ମାଆଙ୍କ ସହିତ ଯୁକ୍ତ ୨ ଦ୍ଵିତୀୟ ବର୍ଷର ଆଠ ଜଣ ଓ ପ୍ରଥମ ବର୍ଷର ପାଞ୍ଚ ଜଣ ଛାତ୍ରୀ ମିଶି ଥାନାର ଦ୍ୱାରସ୍ଥ ହୋଇଥିଲେ ।