ରାତି ୧୦ଟାରେ ଫୋନ୍ କରି କଥା ହେଲା ଝିଅ ହେଲେ ୪୫ ମିନିଟ୍ ପରେ ଆସିଲା ଝିଅର ମୃତ୍ୟୁ ଖବର, ଜାଣନ୍ତୁ ପୁରା ଘଟଣା
ରାତି ପ୍ରାୟ ୧୦ଟା ସମୟରେ ପରିବାର ଲୋକଙ୍କ ସହ ଫୋନ୍ ରେ କଥା ହୋଇଥିଲା ଝିଅ । କିନ୍ତୁ କଥା ହେବାର ପ୍ରାୟ ୪୫ ମିନିଟ୍ ପରେ ଫୋନ୍ ଆସିଲା ଝିଅ ଆଉ ନାହିଁ । ଏ ଦୁନିଆ ଛାଡି ଚାଲି ଯାଇଛି । ଯାହା ପରେ ପରିବାର ଲୋକେ ଆଶ୍ଚର୍ଯ୍ୟ ହେବା ସହ ଦୁଃଖରେ ଭାଙ୍ଗି ପଡ଼ିଥିଲେ ।
ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର
Follow our WhatsApp channel and get all the Latest news
ମୃତ ଝିଅଟିର ଭାଇଙ୍କ କହିବା ଅନୁଯାୟୀ , ଯୁବତୀ ଜଣଙ୍କ ନାମ ହେଉଛି ଶୁଭଶ୍ରୀ ସ୍ୱାଇଁ । ଶୁଭଶ୍ରୀ ମେ ୫ ତାରିଖରେ ରାଜସ୍ଥାନ ଯାଇଥିଲେ । ସେ ସେଠାରେ ଏକ ୟୁନିଭର୍ସିଟିରେ ରହି ନିଟ୍ ପାଇଁ ପ୍ରିପେୟାର ହେଉଥିଲେ । ସବୁ କିଛି ଠିକ୍ ଚାଲିଥିଲା ।
ହେଲେ କିନ୍ତୁ ହଠାତ୍ ଶୁଣିବାକୁ ମିଳିଛି ଏପରି ଦୁଃଖଦ ଖବର । ତାଙ୍କ କହିବା ଅନୁଯାୟୀ , ଶୁଭଶ୍ରୀ ତାଙ୍କ ଘରକୁ ସେହି ଦିନ ରାତିରେ କଲ୍ କରିଥିଲେ । ତାଙ୍କର ପରୀକ୍ଷା ଚାଲି ଥିବାରୁ ପରୀକ୍ଷା ଭଲ ହୋଇଛି ବୋଲି ଜଣାଇଥିଲେ । ଏବଂ ତାଙ୍କୁ ୧୦ହଜାର ଷ୍ଟାଇପେନ୍ ମିଳିବାକୁ ଯାଉଛି ବୋଲି ଅତ୍ୟନ୍ତ ଖୁସି ହୋଇ ଜଣାଇଥିଲେ ।
କିନ୍ତୁ ଏହାର ପ୍ରାୟ ୪୫ ମିନିଟ୍ ପରେ ତାଙ୍କର ଏକ ସାଙ୍ଗ ତାଙ୍କ ଘରକୁ ଫୋନ୍ କରି ଜଣାଇଥିଲେ ଯେ ଶୁଭଶ୍ରୀ ଆଉ ନାହାନ୍ତି ।ଯାହା ପରେ ତାଙ୍କ ଭାଇ ଏବଂ ଆଉ କିଛି ପରିବାର ଲୋକ ମିଶି ରାଜସ୍ଥାନ ଯାଇଥିଲେ । ସେଠାରେ ଜାଇ ବୁଝିଥିଲେ କି ଶୁଭଶ୍ରୀଙ୍କ ସାଙ୍ଗ ମାନେ ହିଁ ପ୍ରଥମେ ତାଙ୍କୁ ଆତ୍ମହତ୍ୟା କରିବାର ଦେଖିଥିଲେ ।
ପରେ ତାଙ୍କୁ ତଳକୁ ଆଣିଥିଲେ । କିନ୍ତୁ ତାଙ୍କ ଭାଇଙ୍କ କହିବା ଅନୁଯାୟୀ , ସେ ସମୟରେ ତାଙ୍କର ୱାର୍ଡେନ୍ କରୁଥିଲେ କଣ ? ଯେହେତୁ ଶୁଭଶ୍ରୀଙ୍କ ରୁମ୍ ଲକ୍ ଥିଲା ତାଙ୍କ ସାଙ୍ଗ ମାନେ ତାଙ୍କ ରୁମ୍ ଖୋଲିଲେ କିପରି ?ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କି ଯଦି ସେ ଫାଶୀ ଦେଉଛନ୍ତି ତେବେ ସେ ରୁମ୍ ରେ କୌଣସି ଚେୟାର କିମ୍ବା ଷ୍ଟୁଲ୍ ନ ଥିଲା । ତେଣୁ ସେ କିପରି ଆତ୍ମହତ୍ୟା କଲେ ?
ତାଙ୍କ ଭାଇ ଆହୁରି ମଧ୍ୟ କହିଛନ୍ତି କି , ଯେତେବେଳେ ସେମାନେ ଏ ନେଇ ୱାର୍ଡେନ୍ ଏବଂ କଲେଜ୍ କର୍ତ୍ତୃପକ୍ଷଙ୍କୁ ପଚାରିଥିଲେ କେହି ତାଙ୍କୁ କୌଣସି ଉତ୍ତର ନ ଦେଇ ଚୁପ୍ ରହିଥିଲେ । ତେଣୁ ମୃତ ଶୁଭଶ୍ରୀଙ୍କ ଭାଇ ତାଙ୍କୁ ତୁରନ୍ତ ନ୍ୟାୟ ମିଳୁ ବୋଲି ଅପିଲ କରିଛନ୍ତି ।