ଦାଦାଙ୍କ ବଡ଼ ବୟାନ! ରସଗୋଲା କୋଲକାତାର ନୁହେଁ ବରଂ ଓଡ଼ିଶାର ବୋଲି କହିଲେ ସୌରଭ ଗାଙ୍ଗୁଲି, ଦେଖନ୍ତୁ ଭିଡ଼ିଓ

ରସଗୋଲା ପ୍ରକୃତରେ କାହାର ଓଡ଼ିଶାର ନା ପଶ୍ଚିମବଙ୍ଗର? ଏହି ଗୋଟିଏ ପ୍ରଶ୍ନକୁ ନେଇ ବର୍ଷ ବର୍ଷ ଧରି କେତେ ବାଦ ବିବାଦ ଲାଗି ରହିଛି। ଓଡ଼ିଆମାନେ ରସଗୋଲାକୁ ଓଡିଶାର ଗୌରବ ବୋଲି କହୁଥିବା ବେଳେ ପଶ୍ଚିମବଙ୍ଗରେ ଏହା ରୋସୋଗୋଲ୍ଲା ନାମରେ ପ୍ରସିଦ୍ଧ ଅଟେ। ତେବେ, ଏହି କଥା ଉପରେ ନିଜର ମତ ରଖିଛନ୍ତି ବିସିସିଆଇ ଅଧକ୍ଷ ତଥା ପୂର୍ବତନ ଭାରତୀୟ କ୍ରିକେଟର ସୌରଭ ଗାଙ୍ଗୁଲି।

ସୌରଭ ଏକ ରିଆଲିଟି ସୋରେ ଯୋଗ ଦେଇ କହିଛନ୍ତି ଯେ,"ସମସ୍ତେ କହୁଛନ୍ତି ଯେ ରସଗୋଲା କୋଲକାତାର, କିନ୍ତୁ ରସଗୋଲା କୋଲକାତାର ନୁହେଁ, ରସଗୋଲା ହେଉଛି ଓଡ଼ିଶାର। ମହାପ୍ରଭୁ ଜଗନ୍ନାଥଙ୍କ ସହିତ ରସଗୋଲା ଜଡିତ"। ସୌରଭଙ୍କର ଏହି କଥା ପଦିଏ ଶୁଣି ଓଡ଼ିଶାବାସୀ ବେସ୍ ଖୁସି। ଭାଇରାଲ ହେଉଥିବା ଏହି ଭିଡ଼ିଓରେ ଲୋକେ ସୌରଭଙ୍କୁ ପ୍ରଶଂସାରେ ପୋତି ପକାଉଥିବା ଦେଖିବାକୁ ମିଳିଛି।