ଜନ୍ମାଷ୍ଟମୀ ଦିନ ଏହି ୫ଟି ଜିନିଷ ଘରକୁ ଆଣିବା ହୋଇଥାଏ ଅତ୍ୟନ୍ତ ଶୁଭ, ତେବେ ଜାଣନ୍ତୁ କଣ ରହିଛି ଏହି ୫ଟି ଜିନିଷ

ପାଳିତ ହେବାକୁ ଯାଉଛି ପବିତ୍ର ଜନ୍ମାଷ୍ଟମୀ । ଭାଦ୍ରବ ମାସ କୃଷ୍ଣ ପକ୍ଷ ଅଷ୍ଟମୀ ତିଥିରେ ଜନ୍ମାଷ୍ଟମୀ ପାଳନ କରା ଯାଇଥାଏ । ଏହି ଦିନ ଭଗବାନ କୃଷ୍ଣଙ୍କର ବାଳୁତ ରୂପକୁ ସମସ୍ତେ ଅତି ନିଷ୍ଠା ଓ ଆନନ୍ଦର ସହ ପାଳନ କରିଥାନ୍ତି ।

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ତେବେ ଚଳିତ ବର୍ଷ ଅଗଷ୍ଟ ମାସ ୨୬ ତାରିଖ ତଥା ସୋମବାର ଦିନ ପାଳିତ ହେବାକୁ ଯାଉଛି ପବିତ୍ର ଜନ୍ମାଷ୍ଟମୀ । ଭଗବାନ କୃଷ୍ଣଙ୍କର ଲୀଳା ଏବଂ ଅପାର କରୁଣା ବିଷୟରେ ତ ଆପଣ ନିଶ୍ଚିତ ଅବଗତ ଥିବେ । ଜ୍ୟୋତିଷ ଶାସ୍ତ୍ର ଅନୁଯାୟୀ, ଯଦି ଚଳିତ ବର୍ଷ ଆପଣ କୃଷ୍ଣଙ୍କର ମନ ପସନ୍ଦର ଏହି ୫ଟି ଜିନିଷ ଘରକୁ ଆଣୁଛନ୍ତି ତେବେ ଭଗବାନ କୃଷ୍ଣଙ୍କର ଆଶୀର୍ବାଦ ସବୁ ବେଳେ ଆପଣଙ୍କ ଉପରେ ବଜାୟ ରହିବ ।

ଜାଣନ୍ତୁ କଣ ରହିଛି ଏହି ୫ଟି ଜିନିଷ......

ଗାଈ ଏବଂ ବାଛୁରୀଙ୍କ ପ୍ରତିମୂର୍ତ୍ତି :

ଜନ୍ମାଷ୍ଟମୀ ଦିନ ଘରକୁ ଗାଈ ଏବଂ ବାଛୁରୀଙ୍କ ପ୍ରତିମୂର୍ତ୍ତି କିଣି ଆଣିବା ଅତ୍ୟନ୍ତ ଶୁଭ ହୋଇଥାଏ । ଯଦି ଆପଣ ଏପରି କରୁଛନ୍ତି ତେବେ ଆପଣଙ୍କ ଉଓରେ ଭଗବାନ କୃଷ୍ଣଙ୍କର ଅପାର କରୁଣା ଆପଣଙ୍କ ଉପରେ ରହିବ । ଏହା ସହ ଆପଣ ସନ୍ତାନ ସୁଖ ମଧ୍ୟ ଲାଭ କରି ପାରନ୍ତି ।

ଲବଣୀ :

ତେବେ ଲବଣୀ ଭଗବାନ କୃଷ୍ଣଙ୍କର କେତେ ପ୍ରିୟ ତାହା ତ ଆପଣ ଜାଣିଥିବେ । ଲଵଣି ସହ କୃଷ୍ଣଙ୍କର ସମ୍ପର୍କ ତ ଟିକିଏ ଅଲଗା । ଏପରିକି ତାଙ୍କୁ ଲବଣୀ ଚୋର ବୋଲି ମଧ୍ୟ କୁହାଯାଏ । ତେଣୁ ଯଦି ଆପଣ ଜନ୍ମାଷ୍ଟମୀ ଦିନ ଲବଣୀ କିଣି ଭଗବାନଙ୍କ ନିକଟରେ ଭୋଗ କରନ୍ତି ତେବେ ଆପଣଙ୍କ ପରିବାରରେ ସୁଖ ସମୃଦ୍ଧି ଲାଗି ରହିବ ।

ବଂଶୀ :

ଶ୍ରୀକୃଷ୍ଣଙ୍କୁ ବଂଶୀଧର ମଧ୍ୟ କୁହାଯାଏ । ତାଙ୍କ ମୁରଲୀର ସ୍ଵନ ପଶୁପକ୍ଷୀଙ୍କ ଠାରୁ ଆରମ୍ଭ କରି ମଣିଷ ଜାତି ପର୍ଯ୍ୟନ୍ତ ସମସ୍ତଙ୍କୁ ମୁଗ୍ଧ କରାଇଥାଏ । ଜ୍ୟୋତିଷଙ୍କ ଅନୁଯାୟୀ, ଯଦି କେହି ଜନ୍ମାଷ୍ଟମୀ ଦିନ କୃଷ୍ଣଙ୍କ ନିକଟରେ ଏକ ବଂଶୀ ଅର୍ପଣ କରେ ତାହେଲେ କୃଷ୍ଣ ଙ୍କ ଆଶୀର୍ବାଦ କେବେ ବି ତା ଉପରୁ ଉଠି ନଥାଏ । ଏହାକୁ ପୂଜା କରିବା ପରେ ଯଦି ଏହି ବଂଶୀକୁ ଆପଣ ପଇସା ରଖୁଥିବା ସ୍ଥାନରେ ରଖନ୍ତି ତେବେ ଆପଣଙ୍କୁ କେବେ ବି ଅର୍ଥର ଅଭାବ ହେବ ନାହିଁ ।

ମୟୂର ପୁଚ୍ଛ :

ଜନ୍ମାଷ୍ଟମୀ ଦିନ ମୟୂର ପୁଚ୍ଛ କିଣି କୃଷ୍ଣଙ୍କୁ ଦାନ କରିବା ଆପଣଙ୍କ ପାଇଁ ଅତ୍ୟନ୍ତ ଲାଭ ଦାୟକ ରହିବ । ଏହା କରିବା ଦ୍ଵାରା ଆପଣଙ୍କ ପରିବାରରେ ସୁଖ ସମୃଦ୍ଧି ଦେଖା ଦେବା ସହିତ ପାରିବାରିକ କଳହ ମଧ୍ୟ ଦୂରେଇ ଯିବ ।

ବୈଜୟନ୍ତି ମାଳା :

ଏହି ମାଳାରେ ସାଧାରଣତଃ ମା ଲକ୍ଷ୍ମୀ ବାସ କରିଥାନ୍ତି । ତେଣୁ ଯଦି ଆପଣ ଏହି ଦିନ ବୈଜୟନ୍ତି ମାଳା ଘରକୁ ଆଣୁଛନ୍ତି ଆପଣଙ୍କର ଆର୍ଥିକ ସ୍ଥିତି ସୁଦୃଢ଼ ହେବ । ଆପଣ ଆଉ ଆଗକୁ କୌଣସି ପ୍ରକାରର ଏଥର ଅଭାବର ସମ୍ମୁଖୀନ ହେବେ ନାହିଁ ।