କୌଣସି ବି ଶୁଭ କାମରେ ଘର ଦୁଆରରେ କଣ ପାଇଁ ଆମ୍ବ ପତ୍ର ଟଙ୍ଗାଯାଏ ଜାଣନ୍ତୁ ଏହାପଛର ରହସ୍ୟ
ଆମ୍ବ ଗଛ ଏକ ଉପକାରୀ ଗଛ ହୋଇଥାଏ। ଯେଉଁଥିରୁ ଆମେ ବିଭିନ୍ନ ପ୍ରକାରର ଲାଭ ପାଇଥାଉ। ହିନ୍ଦୁ ଶାସ୍ତ୍ରରେ ଆମ୍ବ ଗଛକୁ ଶୁଭ ବୋଲି ମନାଯାଇଥାଏ ହିନ୍ଦୁ ଧର୍ମରେ ଆମ୍ବ ଗଛର ମହତ୍ତ୍ୱ ଅଧିକ ଅଟେ। ଆପଣମାନେ ନିଶ୍ଚିତ ଦେଖିଥିବେ ଯେ ଯେବେ ଘରେ କୌଣସି ଶୁଭ କାମ ହୋଇଥାଏ ତେବେ ଘରର ଦୁଆରରେ ଆମ୍ବ ପତ୍ରର ମାଳ ଲଗାଯାଇଥାଏ ତେବେ ଆସନ୍ତୁ ଜାଣିବା ଏହା ପଛର ପୌରାଣିକ ରହସ୍ୟ।
ଆମ୍ବ ଗଛକୁ ଶୁଭ ବୋଲି ଲୋକମାନେ ମାନିବା ସହ ଅନେକ ଶୁଭ କାମରେ ଏହାର ଫଳ,କାଠ ଏବଂ ପତ୍ରକୁ ବ୍ୟବହାର କରିଥାଆନ୍ତି। ଘରର ମୁଖ୍ୟଦ୍ୱାରରେ ଆମ୍ବ ପତ୍ର ଟଙ୍ଗାଇବା ଦ୍ୱାରା ଶୁଭ ସମାଚାର ମିଳିଥାଏ। ଆମ୍ବ ପ୍ରଭୁ ହନୁମାନଙ୍କର ପ୍ରିୟ ଫଳ ହୋଇଥିବାରୁ ଘର ବାହାରେ ଆମ୍ବ ପତ୍ର ଟଙ୍ଗାଇଲେ ପ୍ରଭୁ ହନୁମାନଙ୍କର ଆର୍ଶୀବାଦ ଘର ଉପରେ ରହିଥାଏ ବୋଲି କୁହାଯାଏ।
ଘରର ମୁଖ୍ୟଦ୍ୱାରରେ ଆମ୍ବ ପତ୍ର ଟଙ୍ଗାଇବା ଦ୍ୱାରା ଘରକୁ ନକାରାତ୍ମକ ଶକ୍ତି ପ୍ରବେଶ କରି ପାରେ ନାହିଁ ବୋଲି ବିଶ୍ୱାସ ରହିଛି। ଯେଉଁ ନକାରାତ୍ମକ ଶକ୍ତି ଘରକୁ ପ୍ରବେଶ କରିବା ପାଇଁ ଚେଷ୍ଟା କରେ,ତାହା ଆମ୍ବ ପତ୍ରର ସଂସ୍ପର୍ଶରେ ସକାରାତ୍ମକ ଶକ୍ତିକୁ ପରିବର୍ତ୍ତନ ହୋଇ ଯାଇଥାଏ। ଯାହାଦ୍ୱାରା ପରିବାର ଲୋକେ ଖୁସିରେ ଏବଂ ମିଳିମିଶି ରହିଥାନ୍ତି।