ଆପଣଙ୍କ ପାଦ ବି ସବୁବେଳେ ଥଣ୍ଡା ରହୁଥିଲେ ଶରୀର ଦେଉଛି ଏହିସବୁ ଅଭାବର ସଙ୍କେତ, ଅଣଦେଖା କଲେ ବଢିପାରେ ସମସ୍ୟା

ଶୀତ ଦିନେ ହାତ ଓ ପାଦ ଥଣ୍ଡା ଲାଗିବା ଏକ ସାଧାରଣ କଥା ଅଟେ । ହେଲେ କଣ ଆପଣ ଜାଣନ୍ତି କି ସବୁ ବେଳେ ସାଧାରଣ ଲାଗୁଥିବା କଥା ପଛରେ କିଛି ଅସାଧାରଣ କାରଣ ବି ରହିଥାଇ ପାରେ । ଯେମିତିକି ଶୀତ ଦିନେ ଅଧିକାଂଶ ସମୟ ହାତ କିମ୍ବା ପାଦରେ ଥଣ୍ଡା ଲାଗି ରହିବା ଆପଣଙ୍କ ଶରୀରରେ ଏକ ଗୁରୁତ୍ଵପୂର୍ଣ୍ଣ ଭିଟାମିନ ର ଅଭାବ ହୋଇପାରେ ବା ଏହା ରକ୍ତ ହୀନତାର ମଧ୍ୟ କାରଣ ହୋଇପାରେ । 

ତେବେ ଯଦି ଆପଣଙ୍କୁ ବି ଏପରି କିଛି ଅନୁଭବ ହେଉଥାଏ ତେବେ ତୁରନ୍ତ ଡାକ୍ତରଙ୍କ ଦ୍ୱାରା ପରାମର୍ଶ କରି ଉପଯୁକ୍ତ ଉପାୟ ଅବଲମ୍ବନ କରନ୍ତୁ । ନଚେତ୍ ଆପଣ ଭବିଷ୍ୟତରେ ଅନେକ ସ୍ବାସ୍ଥ୍ୟଗତ ସମସ୍ୟାର ସାମ୍ନା କରି ପାରନ୍ତି । ବିଶେଷ କରି ଆନିମୀୟାର ଶିକାର ହୋଇ ପାରନ୍ତି । 

ତେବେ ଆସନ୍ତୁ ଜାଣିବା ଶୀତ ଦିନେ ହାତ ଓ ପାଦରେ ଥଣ୍ଡା ଲାଗି ରହିବା ଶରୀରରେ କେଉଁ ଭିଟାମିନ ଅଭାବର ଲକ୍ଷଣ ଅଟେ ।

ଏହା ଶରୀରରେ ଭିଟାମିନ ବି ୧୨ ର ଅଭାବର ଲକ୍ଷଣ ଅଟେ । ଶରୀର ଆବଶ୍ୟକ କରୁଥିବା ଭିଟାମିନ ଗୁଡ଼ିକ ମଧ୍ୟରୁ ଭିଟାମିନ ବି ୧୨ ଏକ ବିଶେଷ ଗୁରୁତ୍ବପୂର୍ଣ୍ଣ ଭିଟାମିନ ଅଟେ । ଯାହା ଶରୀରରେ ବୃଦ୍ଧି, ମାନସିକ ସ୍ତରରେ ସ୍ଥିରତା ଆଦିରେ ସନ୍ତୁଳନ ବଜାୟ ରଖିବାରେ ସହାୟକ ହୋଇଥାଏ ।

ଶରୀରରେ ଭିଟାମିନ ବି ୧୨ ଅଭାବ ଥିବାର ଲକ୍ଷଣ ଗୁଡ଼ିକ ହେଉଛି -

• ଦୁର୍ବଳ ଲାଗିବା ।

• ଜଲ୍ଦୀ ହାଲିଆ ହୋଇଯିବା ।

• ମାନସିକ ଅସ୍ଥିରତା ।

• ଶୀତ ଦିନେ ପାଦ ଅଧିକ ଥଣ୍ଡା ଲାଗିବା ଇତ୍ୟାଦି । 

 ତେବେ ଜାଣନ୍ତୁ ଏହାକୁ କିପରି ଦୂର କରିବେ -

• ବାଦାମ ଓ ଡ୍ରାଏ ଫ୍ରୁଟସ ଖାଆନ୍ତୁ ।

• ନିୟମିତ କ୍ଷୀର ପିଅନ୍ତୁ ।

• ଡାଳିମ୍ବ ଓ ବିଟ୍ ଭଳି ଖାଦ୍ୟ ଖାଆନ୍ତୁ ।

• ପୋଇ ଓ ଶାଗ ଜାତୀୟ ଖାଦ୍ୟ ଖାଆନ୍ତୁ ।