୪୯ ବର୍ଷ ବୟସ୍କା ବାବାଙ୍କୁ ବିବାହ କଲେ ୩୮ ବର୍ଷ ବୟସ୍କା ଅଭିନେତ୍ରୀ, କାରଣ ଜାଣି ହେବେ ତାଜୁବ୍

ମାଲାୟାଲମ ଟିଭି ଇଣ୍ଡଷ୍ଟ୍ରିର ବରିଷ୍ଠ ଅଭିନେତ୍ରୀଙ୍କ ବିବାହ ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି । ୩୮ ବର୍ଷ ବୟସ୍କା ଅଭିନେତ୍ରୀ ୪୯ ବର୍ଷ ବୟସ୍କା ଅଭିନେତାଙ୍କୁ ବିବାହ କରିଛନ୍ତି । ବିବାହ ରେ ମଧ୍ୟ ଅଭିନେତାଙ୍କୁ ଲମ୍ବା ଧଳା ଦାଢ଼ି ଏବଂ ଲମ୍ବା କେଶ ଥିବା ଦେଖିବାକୁ ମିଳିଥିଲା । ସେ ଏକଦମ ବାବାଙ୍କ ପରି ଦେଖାଯାଉଛନ୍ତି । ୪୯ ବର୍ଷୀୟ ଅଭିନେତା ଜଣେ ମୋଟିଭେସନାଲ୍ ସ୍ପିକର ଏବଂ ଜଣେ ଓକିଲ ମଧ୍ୟ । 

ଉଭୟ ଅକ୍ଟୋବର ୩୦ ରେ ଏକ ମନ୍ଦିରରେ ବିବାହ କରିଥିଲେ । ବିବାହ ପରେ ଦୁହେଁ ମନ୍ଦିର ବାହାରେ ହାତ ଧରି ବୁଲୁଥିବାର ନଜର ଆସିଥିଲେ । ଏହି ବିବାହ ବହୁତ ଶାନ୍ତ ଏବଂ ଇଣ୍ଟିମେଟ୍ ଥିଲା । ଅଭିନେତ୍ରୀଙ୍କ ଦ୍ୱିତୀୟ ବିବାହରେ ତାଙ୍କ ପିଲାମାନେ ମଧ୍ୟ ଯୋଗ ଦେଇଥିଲେ । ଏବେ ଉଭୟଙ୍କ ବିବାହର ଫଟୋ ଖୁବ ଜୋରସୋରରେ ଭାଇରାଲ ହେବାରେ ଲାଗିଛି । ଫ୍ୟାନ୍ସମାନେ ଏହି ଦମ୍ପତିଙ୍କୁ ଅଭିନନ୍ଦନ ଜଣାଇଛନ୍ତି । 

ଦ୍ୱିତୀୟ ଥର ପାଇଁ ତାଙ୍କଠାରୁ ୧୧ ବର୍ଷ ବଡ ଅଭିନେତାଙ୍କୁ ବିବାହ କରିଥିବାରୁ ଅଭିନେତ୍ରୀଙ୍କୁ ଖୁବ ଟ୍ରୋଲ କରାଯାଉଛି । ଏହି ଅଭିନେତ୍ରୀଙ୍କ ନାମ ଦିବ୍ୟା ଶ୍ରୀଧର । ଦିବ୍ୟା ହେଉଛନ୍ତି ମାଲାୟାଲମ୍ ଟିଭି ଇଣ୍ଡଷ୍ଟ୍ରିର ଶ୍ରେଷ୍ଠ ଅଭିନେତ୍ରୀ। ଯେଉଁ ବ୍ୟକ୍ତି ଦିବ୍ୟାଙ୍କୁ ବିବାହ କରିଥିଲେ ସେ ହେଉଛନ୍ତି ଟିଭିର ସବୁଠାରୁ ଦକ୍ଷ ଅଭିନେତା । ତାଙ୍କ ନାମ କ୍ରିସ୍ ଭେନୁଗୋପାଲ । କ୍ରିସ୍ ଭେନୁଗୋପାଲ ଏବଂ ଦିବ୍ୟା ଶ୍ରୀଧର ପ୍ରଥମେ ଟିଭି ଶୋ ‘ପତ୍ରାମତ୍ତୁ’ର ସେଟରେ ଭେଟିଥିଲେ । 

ଦିବ୍ୟା ଏବଂ କ୍ରିସ୍ ସେମାନଙ୍କର ପ୍ରଥମ ସାକ୍ଷାତ ପରେ ବନ୍ଧୁ ହେଲେ । କିଛି ଦିନ ମଧ୍ୟରେ ସେମାନଙ୍କର ବନ୍ଧୁତା ପ୍ରେମରେ ପରିଣତ ହେଲା । ପରେ କ୍ରିସ୍ ଦିବ୍ୟାଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଦିବ୍ୟା ଏହାକୁ ତୁରନ୍ତ ଗ୍ରହଣ କରିଥିଲେ । ଏହାପରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଛନ୍ତି ।

କ୍ରିସଙ୍କୁ ବିବାହ କରିବା ପୂର୍ବରୁ ଦିବ୍ୟା ତାଙ୍କ ପିଲାମାନଙ୍କ ମତାମତ ମଧ୍ୟ ଲୋଡିଥିଲେ । ଦିବ୍ୟା ପ୍ରକାଶ କରିଛନ୍ତି ଯେ ତାଙ୍କ ଝିଅ କହିଛନ୍ତି, ମା … ଯଦି ତୁମେ ମୋ ସାଥିରେ ଥାଅ ତେବେ ତୁମର ଦ୍ୱିତୀୟ ବିବାହରେ ମୋର କୌଣସି ଆପତ୍ତି ନାହିଁ । ସେମାନେ ବର୍ତ୍ତମାନ ନୂଆ ବାପାଙ୍କୁ ପାଇ ବହୁତ ଖୁସି ଅଛନ୍ତି । ଦିବ୍ୟା କହିଛନ୍ତି ଯେ ସେ ସମୟ ସମୟରେ କ୍ରିସଙ୍କ ମୋଟିଭେସନାଲ କ୍ଲାସ ଆଟେଣ୍ଡ କରୁଥିଲେ, କିନ୍ତୁ ସେ କେବେ ଭାବି ନଥିଲେ ଯେ ସେ ତାଙ୍କୁ ବିବାହ କରିବେ ।