ପ୍ରେମିକକୁ ପସନ୍ଦ ନଥିଲା ପିଲା, ପ୍ରେମିକ ପାଇଁ 'କ୍ରାଇମ୍ ପେଟ୍ରୋଲ' ଦେଖି ଷଡ଼ଯନ୍ତ୍ର ରଚି ଝିଅକୁ ହତ୍ୟା କଲା ମା, ଜାଣନ୍ତୁ ପୁରା ଘଟଣା

କ୍ରାଇମ୍ ପେଟ୍ରୋଲ ଦେଖି ନିଜ ତିନି ବର୍ଷର ଝିଅର ହତ୍ୟା କଲା ମାଆ ! ହତ୍ୟା କରି ମୃତ ଶରୀରକୁ ସୁଟକେସରେ ପୁରାଇ ଫିଙ୍ଗି ଦେଲା ମାଆ । ତେବେ ୟାକୁ ମାଆ କୁହାଯିବ ନା ରାକ୍ଷସୀ । ପିଲାଟିଏ ପାଈଁ ତା ମାଆ ତାର ସୁରକ୍ଷା କବଚ ସାଜୁଥିବା ବେଳେ ଏଠି ଏକ ମାଆ ହିଁ ନେଇଛି ତା ପିଲାର ଜୀବନ । 

ଆମର WhatsApp ଚ୍ୟାନେଲ୍ କୁ ଫୋଲୋ କରି ଘରେ ବସି ପାଆନ୍ତୁ ସବୁ ଖବର

Follow our WhatsApp channel and get all the Latest news

ମାଆ ଏକ ଛୋଟ ଶବ୍ଦ ହୋଇଥିଲେ ବି ଏହି ଶବ୍ଦର କୌଣସି କଳ୍ପନା ନାହିଁ । କିନ୍ତୁ ବିହାରର ଏହି ଘଟଣା ମାଆ ନାଆଁ ରେ ଲଗାଇ ଦେଇଛି କଳଙ୍କ । ଏଭଳି ଏକ ଘଟଣା ଦେଖିବାକୁ ମିଳିଛି ବିହାରର ମୂଜଫରପୂର୍ ଜିଲ୍ଲାରେ । ତେବେ ଗତ ଅଗଷ୍ଟ ମାସ ୨୪ ତାରିଖରେ ଏହି ଜିଲ୍ଲାର ମିଠାପୂର୍ ଥାନା ଅନ୍ତର୍ଗତ ରାମାବାଗ ଅଞ୍ଚଳରୁ ଏକ କୁନି ଝିଅର ମୃତ ଦେହ ଉଦ୍ଧାର କରିଥିଲା ।

ପରେ ପୋଲିସ୍ ଅନୁସନ୍ଧାନରୁ ଜଣା ପଡିଥିଲା କି ମୃତ ଝିଅଟି ସେହି ଅଞ୍ଚଳର ମନୋଜ କୁମାରଙ୍କ ଝିଅ ବୋଲି । ଯାହା ପରେ ପୋଲିସ ଏ ନେଇ ତଦନ୍ତ ଆରମ୍ଭ କରିଥିଲା । ପୋଲିସ୍ ର ଝିଅଟିର ମାଆ ଉପରେ ସନ୍ଦେହ ହୋଇଥିଲା ।

ଯେଉଁଥି ପାଇଁ ସେ ମାଆକୁ ନେଇ ପଚରା ଉଚରା ଆରମ୍ଭ କରିଥିଲା । ପ୍ରଥମେ ତ ଝିଅଟିର ମାଆ ପୋଲିସ୍ କୁ ମିଛ ସତ କହିଥିଲା । କିନ୍ତୁ ପରେ ସେ ସବୁ ସତ ମାନିଥିଲା । ସେ ଏକାକୀ ଏଭଳି କାଣ୍ଡ ଘଟାଇଛି ବୋଲି ପୋଲିସ ଆଗରେ କହିଥିଲା ।

ତାର ବୟାନ ଅନୁଯାୟୀ , ସେ ଆଉ ଜଣଙ୍କୁ ଭଲ ପାଉଥିଲା । ଏବଂ ସେହି ପ୍ରେମିକ ସହ ରହିବାକୁ ଚାହୁଁଥିଲା । କିନ୍ତୁ ସେ ତା ଝିଅକୁ ମଧ୍ୟ ନିଜ ସହ ନେବାକୁ ଚାହୁଁଥିଲା । କିନ୍ତୁ ପ୍ରେମିକ ଜଣକ ରାଜି ନ ହେବାରୁ ସେ କ୍ରାଇମ୍ ପେଟ୍ରୋଲ ଦେଖି ତା ଝିଅର ଗଳା କାଟି ହତ୍ୟା କରିଥିଲା । ଆଉ ପରେ ମୃତ ଦେହକୁ ଏକ ସୁଟକେସରେ ଭର୍ତ୍ତି କରି ଫିଙ୍ଗି ଦେଇଥିଲା ବୋଲି କହିଛି ମାଆ ।