ବିରୋଧୀ ଙ୍କୁ ସାହାର୍ଯ୍ୟ କରିବେ କି ନବୀନ ବାବୁ ? 2024 ନିର୍ବାଚନ ପୂର୍ବରୁ ନୀତୀଶ-ନବୀନଙ୍କ ଯୋଜନା କଣ ?
ବିରୋଧୀ ଦଳ ଲୋକସଭା ନିର୍ବାଚନ ପାଇଁ ଏକଜୁଟ ହେବାକୁ ଚେଷ୍ଟା କରୁଛନ୍ତି । ଏହି ସମୟରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମଙ୍ଗଳବାର ମେ 9 ରେ ଓଡିଶା ସିଏମ ନବୀନ ପଟ୍ଟନାୟକଙ୍କୁ ଭେଟିଛନ୍ତି ।
ବିଜୁ ଜନତା ଦଳ (ବିଜେଡି)ର ମୁଖ୍ୟ ନବୀନ ପଟ୍ଟନାୟକ ନୀତୀଶ କୁମାରଙ୍କୁ ଭେଟିବା ପରେ କହିଛନ୍ତି ଯେ ଆମର ବନ୍ଧୁତା ପୁରୁଣା । ଆମେ ମଧ୍ୟ ଏକାଠି କାମ କରିଛୁ । ଆଜି ଗଠବନ୍ଧନକୁ ନେଇ କୌଣସି ଆଲୋଚନା ହୋଇ ନାହିଁ । ତେବେ କେଉଁ ପ୍ରସଙ୍ଗରେ ଆଲୋଚନା ହୋଇଛି ତାହା ଉଭୟ ନେତା କହି ନାହାଁନ୍ତି ।
ସାଧାରଣ ନିର୍ବାଚନରେ ବିଜେପିକୁ ପରାସ୍ତ କରିବାକୁ ବିରୋଧୀ ଦଳଗୁଡ଼ିକୁ ଏକଜୁଟ କରିବାକୁ ନୀତୀଶ କୁମାରଙ୍କ ଉଦ୍ୟମକୁ ଏକ ପ୍ରତିବନ୍ଧକ ବୋଲି ବିବେଚନା କରାଯାଉଛି । କାରଣ ନବୀନ ପଟ୍ଟନାୟକ ଏପର୍ଯ୍ୟନ୍ତ ଏ ବିଷୟରେ କିଛି ସ୍ପଷ୍ଟ କରିନାହାଁନ୍ତି ।
ଆହୁରି ପଢନ୍ତୁ :- ବିରୋଧୀ ଶକ୍ତିଙ୍କୁ ଏକଜୁଟ କରିବାରେ ଲାଗିପଡ଼ିଛନ୍ତି ମମତା, କହିଲେ- ମୁଁ ଚାହୁଁଛି ଦେଶରେ ବିଜେପି ଜିରୋ ହେଇଯାଉ ନହେଲେ...
ବିରୋଧୀ ଦଳଗୁଡ଼ିକୁ ଏକଜୁଟ କରିବାକୁ ନୀତୀଶ କୁମାର ଲଗାତାର ଚେଷ୍ଟା କରୁଛନ୍ତି । ନିକଟରେ ସେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ମଧ୍ୟ ଭେଟିଥିଲେ । ଏହା ପରେ ଉଭୟ ନେତା କହିଥିଲେ ଯେ ଆଲୋଚନା ଭଲ ଚାଲିଛି । ଏହାପୂର୍ବରୁ ନୀତୀଶ କୁମାର ସମାଜବାଦୀ ପାର୍ଟି ସଭାପତି ଅଖିଳେଶ ଯାଦବଙ୍କୁ ମଧ୍ୟ ଭେଟିଥିଲେ ।
ନୀତୀଶ କୁମାର ଏବଂ ବିହାର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ରାହୁଲ ଗାନ୍ଧୀଙ୍କ ଉପସ୍ଥିତିରେ ଏପ୍ରିଲରେ ଦିଲ୍ଲୀରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖରଗେଙ୍କୁ ଭେଟିଥିଲେ । ସେବେଠାରୁ ନୀତୀଶ କୁମାର ବିଭିନ୍ନ ବିରୋଧୀ ଦଳର ନେତାଙ୍କୁ ଭେଟିବା ସହ ଗଠବନ୍ଧନ ବିଷୟରେ ଆଲୋଚନା କରିଥିଲେ ।
ବିଜେପିକୁ ପରାସ୍ତ କରିବାକୁ ବିରୋଧୀ ଦଳ ଏକାଠି ଲଢ଼ିବା ଆବଶ୍ୟକ ବୋଲି ନୀତୀଶ କୁମାର କହିଛନ୍ତି । ସେ ବିଜେପି ବିରୋଧରେ ବିରୋଧୀ ଏକତା ଗଠନ କରିବାରେ ଏକ ସକରାତ୍ମକ ଭୂମିକା ଗ୍ରହଣ କରିବେ ବୋଲି ଆଶା ରଖିଛନ୍ତି ।